គន្លឹះហាត់ប្រាណសម្រាប់អ្នកជំងឺលើសសម្ពាធឈាម
ការធ្វើឱ្យការហាត់ប្រាណក្លាយជាទម្លាប់អាចជួយបន្ថយសម្ពាធឈាមរបស់អ្នក។ វាក៏ផ្តល់ឱ្យអ្នកនូវថាមពលកាន់តែច្រើន ហើយក៏ជាវិធីដ៏ល្អមួយដើម្បីបន្ធូរបន្ថយភាពតានតឹង និងជួយឱ្យអារម្មណ៍កាន់តែល្អ។ សូមពិភាក្សាជាមួយគ្រូពេទ្យជាមុន បើពេលនេះអ្នកមិនទាន់សកម្មទេ។ គ្រូពេទ្យនឹងធ្វើឱ្យប្រាកដថា អ្នកត្រៀមខ្លួនរួចជាស្រេចសម្រាប់ការហាត់ប្រាណ។ ដោយសាររបៀបរស់នៅដែលសកម្ម គឺល្អសម្រាប់សម្ពាធឈាមអ្នក គ្រូពេទ្យទំនងជាគាំទ្រអ្នកខ្លាំង។
អ្នកអាចធ្វើសកម្មភាពណាដែលអ្នកចូលចិត្ត ហើយអ្នកមិនចាំបាច់ទៅក្លឹបហាត់ប្រាណទេ។ ដរាបណា អ្នកធ្វើចលនា និងធ្វើឱ្យបេះដូងរបស់អ្នកលោតលឿនបន្តិច ឬដង្ហើមពិបាកដកបន្តិច សកម្មភាពទាំងនេះ គឺល្អសម្រាប់អ្នក។ សកម្មភាពទាំងនេះរួមមាន ការដើរលឿន រត់តិចៗ ហែលទឹក ជិះកង់ លើកទម្ងន់ ឬធ្វើការងារនៅក្នុងសួន។ ដើម្បីជ្រើសរើសសកម្មភាពមួយ សូមសួរខ្លួនឯងនូវសំណួរទាំងនេះ៖
- តើសកម្មភាពអ្វីខ្លះដែលគួរឱ្យរីករាយ?
- តើខ្ញុំចូលចិត្តធ្វើសកម្មភាពជាមួយអ្នកដទៃ ឬធ្វើតែឯង?
ការធ្វើលំហាត់ប្រាណមាន បី ប្រភេទជាមូលដ្ឋាន៖
1. លំហាត់ប្រាណបែបអាអេរ៉ូប៊ីក (aerobic)
អាចជួយកាត់បន្ថយសម្ពាធឈាមរបស់អ្នក និងធ្វើឱ្យបេះដូងរបស់អ្នកកាន់តែរឹងមាំ។ ឧទាហរណ៍ដូចជា ការដើរ រត់តិចៗ លោតអន្ទាក់ ជិះស្គី ជិះកង់ ជិះស្គី ជិះទូក ហែលទឹក និងអាអេរ៉ូប៊ីកក្នុងទឹក។
2. ការហាត់សាច់ដុំ (strength training)
ជួយដុតកាឡូរីបានកាន់តែច្រើនពេញមួយថ្ងៃ។ វាក៏ល្អសម្រាប់សន្លាក់ និងឆ្អឹងរបស់អ្នក។
3. ការលាតសន្ធឹង (stretching)
ធ្វើឱ្យអ្នកកាន់តែមានភាពបត់បែន ជួយឱ្យអ្នកធ្វើចលនាបានប្រសើរជាងមុន និងការពាររបួស។
គន្លឹះជួយឲ្យហាត់ប្រាណទៀងទាត់៖
ធ្វើឱ្យសប្បាយ!
អ្នកនឹងហាត់ជាប់ បើអ្នករីករាយនឹងហាត់។
កំណត់ពេលហាត់ប្រាណ
ក្នុងទម្លាប់ប្រចាំថ្ងៃរបស់អ្នក។ រៀបចំពេលដែលអ្នកនឹងទៅហាត់ប្រាណ ហើយដាក់វាក្នុងកំណត់ហេតុប្រចាំថ្ងៃអ្នក។
រកមិត្តម្នាក់
ដើម្បីហាត់ប្រាណជាមួយ។ នេះនឹងជួយលើកទឹកចិត្ត ហើយអ្នកនឹងរីករាយជាមួយវាកាន់តែខ្លាំង។
សកម្មក្នុងការរស់នៅ គឺជារឿងដ៏ល្អបំផុតមួយដែលអ្នកអាចធ្វើសម្រាប់សម្ពាធឈាមរបស់អ្នក។
សូមសាកសួរគ្រូពេទ្យរបស់អ្នកថា តើអ្នកគួរចៀសវាងសកម្មភាពណាខ្លះ។
