ការរស់នៅជាមួយជំងឺខ្សោយបេះដូង
អ្នកអាចស្វែងរកព័ត៌មានចាំបាច់ទាំងអស់ ដើម្បីស្វែងយល់ពីជំងឺខ្សោយបេះដូង ផលប៉ះពាល់ជាសកល មូលហេតុ និងផលវិបាករបស់វា និងរបៀបគ្រប់គ្រងជំងឺខ្សោយបេះដូង។
ជំងឺខ្សោយបេះដូង
ការគ្រប់គ្រង
តើគួរតែគ្រប់គ្រងជំងឺខ្សោយបេះដូងដោយរបៀបណា?
អ្នកប្រហែលជាត្រូវបានផ្តល់ឱ្យថ្នាំជាច្រើន។1
ថ្នាំអាចជួយគ្រប់គ្រងរោគសញ្ញារបស់អ្នក និងជួយឲ្យគុណភាពជីវិតរបស់អ្នកប្រសើរឡើង។ មិនមែនថ្នាំទាំងអស់សុទ្ធតែត្រូវការសម្រាប់គ្រប់អ្នកជំងឺខ្សោយបេះដូងនោះទេ។ ថ្នាំដែលសមស្របជាមួយអ្នក អាស្រ័យលើរោគសញ្ញា សុខភាពទូទៅ និងរបៀបរស់នៅរបស់អ្នក។
ថ្នាំខ្លះមានផលរំខាន ប៉ុន្តែជាធម្មតា វាមានអត្ថប្រយោជន៍លើសលប់ច្រើនជាងផលរំខានទាំងនោះ។ បើអ្នកពិបាកទ្រាំនឹងផលរំខាននៃថ្នាំណាមួយ វាសំខាន់ដែលត្រូវពិភាក្សាជាមួយគ្រូពេទ្យរបស់អ្នក។2
វាសំខាន់ខ្លាំងណាស់ដែលត្រូវលេបថ្នាំតាមអ្វីដែលគ្រូពេទ្យណែនាំ ព្រោះនេះនឹងធានាថាថ្នាំមានប្រសិទ្ធភាពសម្រាប់អ្នក។ 3
អ្នកទំនងជាត្រូវការថ្នាំច្រើនជាងមួយមុខនៅពេលមួយ។ សូមកត់ត្រា ឬតារាងដែលអាចជួយអ្នកតាមដាន។2
ទាំងនេះ ជាគន្លឹះខ្លះៗជួយអ្នកចងចាំលេបថ្នាំ 2
ដាក់ម៉ោងរោទ៍ក្នុងទូរស័ព្ទរបស់អ្នក
បញ្ចូលវាទៅក្នុងទម្លាប់អ្នក
គូសធីកលើប្រអប់បន្ទាប់ពីលេបថ្នាំរួច
សុំនរណាម្នាក់ឲ្យរំលឹកអ្នក
ការគ្រប់គ្រងដោយខ្លួនឯង៖ គន្លឹះពីការហាត់ប្រាណ
ហេតុអ្វីបានការលេងកីឡាសំខាន់?4
លំហាត់ប្រាណអាចធ្វើឱ្យមុខងាររបស់បេះដូងកាន់តែប្រសើរឡើង ដោយកាត់បន្ថយបន្ទុក និងធ្វើឱ្យបេះដូងលោតបានល្អជាងមុន។ នេះនឹងជួយដល់រោគសញ្ញារបស់អ្នកប្រសើរឡើង។
ការដើរ ជាសកម្មភាពល្អមួយដែលអាចចាប់ផ្តើម។ បើអ្នកបានដើរហើយ ហើយគិតថាខ្លួនមានសកម្មរាងកាយហើយ អ្នកអាចព្យាយាមសាកល្បងជិះកង់ ហែលទឹក ឬហាត់បែបពត់ខ្លួន។មើលបន្ថែមទៀត ការប្រុងប្រយ័ត្ន
អ្នកគួរតែអាចនិយាយបាន នៅពេលអ្នកកំពុងហាត់ប្រាណ។ ប្រសិនបើអ្នកមិនអាចនិយាយបានទេ អ្នកប្រហែលជាហាត់លើសកម្រិតហើយ។
រៀបចំផែនការហាត់ប្រាណ 1 ទៅ 2 ម៉ោងបន្ទាប់ពីហូបអាហារហើយ (អាហារមិនច្រើន)។
ឈប់ហាត់ប្រាណភ្លាមៗ ប្រសិនបើអ្នកថប់ៗដង្ហើម វិលមុខ ឈឺទ្រូង ចង្អោរ ឬបែកញើសត្រជាក់។ បើរោគសញ្ញាទាំងនេះនៅតែមានបន្ត សូមទាក់ទងគ្រូពេទ្យរបស់អ្នក។
ការគ្រប់គ្រងដោយខ្លួនឯង៖ គន្លឹះបន្ធូរអារម្មណ៍
តានតឹងអារម្មណ៍ (ស្រ្តេស) ជាប់យូរអាចមានផលអាក្រក់ក្នុងរយៈពេលវែង ហើយមិនត្រឹមតែសុខុមាលភាពប៉ុណ្ណោះទេ។
តើអ្នកអាចសម្រាកដោយរបៀបណា?
សាកល្បងបច្ចេកទេសបន្ធូរអារម្មណ៍
អនុវត្តសមាធិ
ពិភាក្សាជាមួយអ្នកប្រឹក្សាជំនាញ ឬមិត្តភក្តិ និងក្រុមគ្រួសាររបស់អ្នក។
ចូលរួមកម្មវិធីគ្រប់គ្រងស្រ្តេស
ឯកសារយោង
My Health Partnerផ្តល់ជូនមាតិកាបែបផ្ទាល់ខ្លួន មានការទទួលស្គាល់ និងបានធ្វើបច្ចុប្បន្នភាព សម្រាប់អ្នកជំងឺដែលមានហានិភ័យជំងឹបេះដូង និងសរសៃឈាម ដើម្បីឱ្យពួកគាត់មានសុខភាពកាន់តែល្អ។ អនុវត្តតាមលំហាត់ប្រាណប្រចាំថ្ងៃ ព្រមទាំងរូបមន្តអាហារដើម្បីកាត់បន្ថយហានិភ័យនៃជំងឺបេះដូង និងសរសៃឈាម។
ជំងឺ
រស់នៅឲ្យកាន់តែប្រសើរ
ព័ត៌មានទូទៅ
My Health Partner ត្រូវបានបង្កើត និងអនុម័តដោយអ្នកជំនាញ៖ អ្នកជំនាញផ្នែកព្យាបាល សមាគមអ្នកជំងឺ និងអ្នកជំនាញអាហាររូបត្ថម្ភ។
មាតិកានេះ មិនមានគោលបំណងជំនួសដំបូន្មានរបស់អ្នកជំនាញវិជ្ជាជីវៈវេជ្ជសាស្រ្តទេ។ សូមស្វែងរកការណែនាំពីគ្រូពេទ្យរបស់អ្នក ឬអ្នកផ្តល់សេវាសុខភាព ដែលមានការទទួលស្គាល់ បើអ្នកមានចម្ងល់ទាក់ទងនឹងស្ថានភាពសុខភាព។
កាលបរិច្ឆេទកែប្រែចុងក្រោយ ៖ 4/9/2023
