ការគ្រប់គ្រង

ការហាត់ប្រាណ​ទៀងទាត់ គឺជា​ផ្នែក​​សំខាន់មួយ​ក្នុង​ការគ្រប់គ្រង​ជំងឺលើសសម្ពាធឈាម​។ ជាការពិតណាស់ អ្នកត្រូវកំណត់ជាមួយគ្រូពេទ្យពីលំហាត់ប្រាណដែលសមស្របបំផុតសម្រាប់ស្ថានភាពរបស់អ្នក។ ពេលខ្លះ ការពិនិត្យសុខភាព ជាការចាំបាច់។ សកម្មភាពរាងកាយមានសារៈសំខាន់ណាស់សម្រាប់បេះដូង និងប្រព័ន្ធឈាមរត់បស់អ្នក។ ការណែនាំទូទៅ គឺត្រូវហាត់ប្រាណ 30 នាទី ក្នុងមួយថ្ងៃ យ៉ាងហោចណាស់ 5 ថ្ងៃ ក្នុងមួយសប្តាហ៍។²

នៅពេលអ្នកលើសទម្ងន់ អ្នកនឹងប្រឈមមុខនឹងជំងឺបេះដូង និងសរសៃឈាម ជំងឺទឹកនោមផ្អែម និងជំងឺលើសសម្ពាធឈាម។ ដូច្នេះហើយ អ្នកជំងឺលើសសម្ពាធឈាមគួរបញ្ចុះទម្ងន់ឲ្យនៅសមស្រប។ ការសម្រកទម្ងន់បំពេញបន្ថែមសកម្មភាពនៃថ្នាំលើសឈាម។ មានរូបមន្តដែលអាចជួយអ្នកគណនាទម្ងន់សមស្រប ដោយផ្អែកលើកម្ពស់របស់អ្នក។ រូបមន្តនេះកំណត់ សន្ទស្សន៍ទម្ងន់ខ្លួន (BMI) ។ អ្នកគ្រាន់តែយកទម្ងន់របស់អ្នក (គិតជាគីឡូក្រាម) ចែកនឹងកម្ពស់របស់អ្នកគិតជាម៉ែត្រការ៉េ។ សន្ទស្សន៍ទម្ងន់ខ្លួនដ៏ល្អគួរស្ថិតនៅចន្លោះពី 18.5 ទៅ 25 kg/m²

តុល្យភាពអាហារូបត្ថម្ភនៃរបបអាហារល្អក៏ជាផ្នែកសំខាន់នៃការគ្រប់គ្រងសម្ពាធឈាមខ្ពស់ប្រកបដោយជោគជ័យផងដែរ។ របបអាហារមានភាពងាយស្រួលក្នុងការកែលម្អ ប្រសិនបើអ្នកធ្វើតាមអនុសាសន៍សំខាន់ៗទាំង 4 នេះ ¹:

អ្នកត្រូវរៀនវិធីសាស្ត្រគ្រប់គ្រងស្ត្រេសរបស់អ្នក! ស្ត្រេសអាចធ្វើឲ្យសម្ពាធឈាម និងចង្វាក់បេះដូងឡើង ពីពេលមួយទៅមួយពេល។ លើសពីនេះ ស្ត្រេសក៏អាចជំរុញឲ្យមានអាកប្បកិរិយាដែលនឹងបង្កើនសម្ពាធឈាម (ឧទាហរណ៍ របបអាហារមិនល្អ អសកម្មភាពរាងកាយ ជក់បារី ឬផឹកគ្រឿងស្រវឹងច្រើនជាងធម្មតា)។ សកម្មភាពបន្ធូរអារម្មណ៍ដូចជា យ៉ូហ្កា ឬតៃជី អាចជួយអ្នកកាត់បន្ថយស្ត្រេសរបស់អ្នក ហើយគន្លឹះសាមញ្ញៗអាចជួយអ្នកគ្រប់គ្រងស្រ្តេសនៅក្នុងជីវិតប្រចាំថ្ងៃរបស់អ្នក!