ការរស់នៅជាមួយជំងឺខ្សោយបេះដូង
អ្នកអាចស្វែងរកព័ត៌មានចាំបាច់ទាំងអស់ ដើម្បីស្វែងយល់ពីជំងឺខ្សោយបេះដូង ផលប៉ះពាល់ជាសកល មូលហេតុ និងផលវិបាករបស់វា និងរបៀបគ្រប់គ្រងជំងឺខ្សោយបេះដូង។
ជំងឺខ្សោយបេះដូង
តើជំងឺខ្សោយបេះដូងជាអ្វី?
ជំងឺខ្សោយបេះដូង ជាស្ថានភាពមួយដែលបេះដូងមិនអាចប្របាច់ឈាមទៅចិញ្ចឹមរាងកាយបានល្អ។ មានន័យថា បេះដូងមិនអាចផ្តល់អុកស៊ីសែន និងសារធាតុចិញ្ចឹមគ្រប់គ្រាន់ដើម្បីឱ្យរាងកាយដំណើរការធម្មតាបាន។
ជំងឺខ្សោយបេះដូងត្រូវបានកំណត់ដោយរោគសញ្ញាជាច្រើនដែលបណ្តាលមកពីការប្រមូលផ្តុំសារធាតុរាវ និងការថយចុះលំហូរឈាម។ រោគសញ្ញាដែលឧស្សាហ៍មាន គឺការហើម (ចាល់ជាតិទឹក) ថប់ៗដង្ហើម និងអស់កម្លាំង។1
ជំងឺខ្សោយបេះដូងត្រូវបានកំណត់ដោយរោគសញ្ញាជាច្រើនដែលបណ្តាលមកពីការប្រមូលផ្តុំសារធាតុរាវ និងការថយចុះលំហូរឈាម។ រោគសញ្ញាដែលឧស្សាហ៍មាន គឺការហើម (ចាល់ជាតិទឹក) ថប់ៗដង្ហើម និងអស់កម្លាំង។1
បេះដូងធម្មតា
ជាធម្មតា ជំងឺខ្សោយបេះដូងធ្វើឱ្យបេះដូងរីកធំ
តើចង្វាក់បេះដូងគឺជាអ្វី?
ចង្វាក់បេះដូងគឺជាចំនួនដងដែលបេះដូងលោតក្នុងរយៈពេលជាក់លាក់មួយ ជាធម្មតាក្នុងមួយនាទី។ យើងអាចដឹងពីចង្វាក់បេះដូងនៅលើកដៃ ចំហៀងនៃកញ្ចឹងក នៅខាងក្រោយជង្គង់ ផ្នែកខាងលើនៃប្រអប់ជើង ក្រលៀន និងកន្លែងផ្សេងទៀតនៃរាងកាយដែលសរសៃឈាមក្រហមនៅជិតនឹងស្បែក។ ការវាស់ចង្វាក់បេះដូងផ្តល់ព័ត៌មានសំខាន់អំពីសុខភាពរបស់យើង។ គេហៅម្យ៉ាងទៀតថា ជីពចរ។3
តើអ្នកដឹងទេថា?
60-100 bpm
ចង្វាក់បេះដូងធម្មតាគួរតែនៅចន្លោះ 60-100
ដងក្នុងមួយនាទី។ វាអាចឡើងដល់ 130-150 ដងក្នុងមួយនាទី នៅពេលហាត់ប្រាណ។ ទោះជាយ៉ាងណា បើអ្នកមានរោគសញ្ញាណាមួយ ឬសង្ស័យថាជីពចររបស់អ្នកមិនទៀង សូមប្រាប់គ្រូពេទ្យរបស់អ្នក។2
តើរោគសញ្ញាចម្បងនៃជំងឺខ្សោយបេះដូងមានអ្វីខ្លះ?4
អស់កម្លាំង
សរីរាង្គរបស់អ្នកមិនបានទទួលអុកស៊ីសែន និងសារធាតុចិញ្ចឹមគ្រប់គ្រាន់ដើម្បីដំណើរការបានល្អទេ ដូច្នេះអ្នកអាចមានអារម្មណ៍ឆាប់អស់កម្លាំង។
ដង្ហើមខ្លី
សារធាតុរាវអាចប្រមូលផ្តុំនៅក្នុងសួតរបស់អ្នក ធ្វើឱ្យអ្នកដកដង្ហើមបានខ្លីៗ នៅពេលអ្នកធ្វើសកម្មភាព ពេលគេង ឬដើរ។
ឡើងទម្ងន់
អ្នកអាចឡើងទម្ងន់លើសពី 2 គីឡូក្រាមក្នុងមួយសប្តាហ៍ ដោយសារតែសារធាតុរាវកើនឡើងនៅក្នុងខ្លួន។
បេះដូងលោតញាប់
ដើម្បីប៉ះប៉ូវភាពទន់ខ្សោយរបស់វា បេះដូងអាចលោតញាប់។
ហើម
សារធាតុរាវអាចប្រមូលផ្តុំនៅជើង កជើង ឬពោះដែលបណ្តាលឱ្យហើម។
តើជំងឺខ្សោយបេះដូងបណ្តាលឱ្យមានផលវិបាកអ្វីខ្លះ?5
បើអ្នកមានជំងឺខ្សោយបេះដូង អនាគតរបស់អ្នកអាស្រ័យលើមូលហេតុ និងភាពធ្ងន់ធ្ងរ សុខភាពទូទៅរបស់អ្នក និងកត្តាផ្សេងទៀតដូចជាអាយុរបស់អ្នក។6
រោគសញ្ញា និងមុខងារបេះដូងរបស់មនុស្សមួយចំនួននឹងប្រសើរឡើងជាមួយនឹងការព្យាបាលត្រឹមត្រូវ។ ទោះយ៉ាងណា ជំងឺខ្សោយបេះដូងអាចគំរាមកំហែងដល់អាយុជីវិត។6
ការពិត ឬការយល់ខុស?
តើការលើកឡើងខាងក្រោមជាការពិត ឬការយល់ខុស? សូមព្យាយាមស្វែងរកចម្លើយត្រឹមត្រូវ!
ជំងឺខ្សោយបេះដូងមានន័យថា បេះដូងឈប់លោត
ជំងឺខ្សោយបេះដូង គឺជារឿងធម្មតានៅពេលចាស់ទៅ
ការវាស់ចង្វាក់បេះដូងរបស់អ្នកគ្មានប្រយោជន៍ទេ
ជំងឺខ្សោយបេះដូងមិនអាចព្យាបាលបានទេ
បើអ្នកមានជំងឺខ្សោយបេះដូង អ្នកមិនគួរហាត់ប្រាណទេ
ជំងឺខ្សោយបេះដូង ជាជំងឺឧស្សាហ៍កើតមាន
វាសំខាន់ណាស់ក្នុងការគ្រប់គ្រងជំងឺខ្សោយបេះដូងឱ្យបានឆាប់តាមដែលអាចធ្វើទៅបាន
1 | 8
ឯកសារយោង
8
Ponikowski P et al. Heart rate and blood pressure monitoring in heart failure. Eur Heart J . 2019;21(Suppl M):M13‑M16.
9
Gracia E. et al. Timely Management of New-Onset Heart Failure. Circulation. 2019;140(8):621–623.
My Health Partnerផ្តល់ជូនមាតិកាបែបផ្ទាល់ខ្លួន មានការទទួលស្គាល់ និងបានធ្វើបច្ចុប្បន្នភាព សម្រាប់អ្នកជំងឺដែលមានហានិភ័យជំងឹបេះដូង និងសរសៃឈាម ដើម្បីឱ្យពួកគាត់មានសុខភាពកាន់តែល្អ។ អនុវត្តតាមលំហាត់ប្រាណប្រចាំថ្ងៃ ព្រមទាំងរូបមន្តអាហារដើម្បីកាត់បន្ថយហានិភ័យនៃជំងឺបេះដូង និងសរសៃឈាម។
ជំងឺ
រស់នៅឲ្យកាន់តែប្រសើរ
ព័ត៌មានទូទៅ
My Health Partner ត្រូវបានបង្កើត និងអនុម័តដោយអ្នកជំនាញ៖ អ្នកជំនាញផ្នែកព្យាបាល សមាគមអ្នកជំងឺ និងអ្នកជំនាញអាហាររូបត្ថម្ភ។
មាតិកានេះ មិនមានគោលបំណងជំនួសដំបូន្មានរបស់អ្នកជំនាញវិជ្ជាជីវៈវេជ្ជសាស្រ្តទេ។ សូមស្វែងរកការណែនាំពីគ្រូពេទ្យរបស់អ្នក ឬអ្នកផ្តល់សេវាសុខភាព ដែលមានការទទួលស្គាល់ បើអ្នកមានចម្ងល់ទាក់ទងនឹងស្ថានភាពសុខភាព។
កាលបរិច្ឆេទកែប្រែចុងក្រោយ ៖ 4/9/2023
